Nº de xogadores: Dous ou mais.
Materiais necesarios:
- Billarda: Pau que se coloca no chan e que é golpeado co palán. É de madeira e ten unha lonxitude máxima de 25 cm. e mínima de 18 cm. O seu diámetro máximo é de 3 cm e mínimo de 1,5 cm.
- Palán: Pau que se agarra coa man e co que se golpea a billarda. É de madeira cunha lonxitude máxima de 60 cm. O seu diámetro máximo é de 3 cm e o mínimo de 1,5 cm.
- Varal: Lugar ao que se chega coa billarda. Trátase de dúas varas verticais ou dous postes. Se a billarda vai entre as dúas varas á altura que sexa é un punto válido. A distancia entre varas é de 3,60 metros.
- Zona de saque: Márcase un cadrado de 60 x 60 cm. Sitúase no extremo do terreo de xogo oposto ao varal.
Onde xogar: No exterior.
Mecánica do xogo:
- O obxectivo é superar a liña do varal coa billarda.
- Para isto os palanadores ou palanadoras sitúanse na zona de saque e desde alí golpean a billarda, que está no chan, nunha das súas puntas para que se eleve. Cando está no aire hai que darlle outro golpe para desprazala. A orde de lanzamento é consecutivo.
- En cada quenda, o xogador ou xogadora ten unha única opción válida de golpe, é dicir; sempre que toque a billarda co palán, aínda que non se eleve, considérase opción de tiro e a quenda pasaría ao seguinte. No momento en que a billarda está no aire pódese golpear tantas veces como se poida. Así mesmo, cando a billarda é golpeada despois de tocar o chan, o xogador/para deberá volver ao lugar onde tocou por primeira vez o chan.
- Se a billarda é golpeada e sae directamente fora do terreo de xogo, deberase recoller e situala, de novo, no mesmo lugar para dar o seguinte golpe. Se antes de saír dos límites do campo toca o terreo de xogo, a billarda deberá ser situada sobre a liña, no lugar por onde saíu, sempre que sexa polos laterais do campo. No caso de que a billarda salga pola liña de fondo, deberá recollerse e colocala no lugar do último golpe. Por último, cada vez que a billarda entre na liña do varal súmanse puntos.
Outros nomes para este xogo: Estornela, Zoadeira, Pinchacarneiro, A villa, Pincho, o Niche, Nichis