Participantes: 3 ou máis
Materiais: Unha botella ou lata + algo co que marcar o chan (xiz, tella...)
Normas:
- Píntase un círculo no chan e colócase o bote no medio. Todos deben colocarse fóra do círculo.
- Para comezar, quen apanda ten que poñerse de espaldas ao bote mentres un compi chuta o bote o máis lonxe que poida. Entretanto, quen chuta e o resto deben correr e buscar onde agocharse.
- Logo, quen apanda ten que correr a buscar o bote para volver a colocalo no centro do círculo. Cando o consiga debe berrar "Bote!".
- A continuación pode buscar aos compañeiros, cada vez que atope a alguén deberá correr a tocar o bote e berrar o nome de quen atopou, p.ex: "Bote por María!". Os compañeiros atopados quedan eliminados e teñen que sentar preto do bote.
- Se, mentres quen apanda está buscando, algún dos agochados consigue chutar o bote de novo, este liberará aos eliminados que se poderán volver agochar.
- Se quen apanda elimina a todos os demais, gaña!